Eftir frábært sýningarár í tegundinni okkar er stigahæsti hundur tegundar:
CIB CIB-V* NORDICCh ISCh ISVETCh RW-16 RW-23 NLM ISW-22-23 ISVW-22-23 Tíbráar Tinda Blue Poppy "Nói"

Nói er jafnframt stigahæsti öldungur innan tegundar sem og stigahæsti öldungur yfir allar tegundir!
Eigandi: Helga Kolbeinsdóttir
Ræktendur: Auður Valgeirsdóttir, Auður Sif Sigurgeirsdóttir og Sigurgeir Þráinn Jónsson. 

Deildin óskar eiganda og ræktendum innilega til hamingju. 

Stigahæsti Tíbet spaniel deildarinnar af gagnstæðu kyni er:
NORDICCh ISCh ISJCh RW-21 ISW-22-23 Tíbráar Tinda Sakya "Sakya"
Eigandi: Helga Kolbeinsdóttir
Ræktendur: Auður Valgeirsdóttir, Auður Sif Sigurgeirsdóttir og Sigurgeir Þráinn Jónsson. ​

Stigahæsti ungliði og jafnframt annar stigahæsti rakki ársins er:
ISJCh Tíbráar Tinda Zigsa "Astró"
Egiandi: Harpa Lilja Júníusdóttir
Ræktendur: Auður Valgeirsdóttir, Auður Sif Sigurgeirsdóttir og Sigurgeir Þráinn Jónsson

Stigahæsti ræktunarhópur ársins 2023 er Tíbráar Tindra. 
Tíbráar Tindra ræktun var jafnframt stigahæsta ræktun ársins 2023 á lista HRFÍ. 

Hér má sjá hvernig stigagjöf er háttað
Hér má svo sjá lista yfir alla þá sem náður þeim frábæra árangri að komast á lista yfir stigahæstu Tíbba ársins 2023!

​

Tíbet Spanieldeildin óskar eigendum og ræktendum þessara fallegu Tíbba innilega til hamingju með árangurinn! Líkt og í ár mun fara fram heiðrun þessara flottu hunda á nýju ári og verður sú dagsetning auglýst síðar! 

Miðvikudagskvöldið 24. maí fór fram heiðrun stigahæstu Tíbet Spaniel hunda ársins 2022 í Kaffihúsi Dýrheima. Allir sem komust inn á lista yfir stigahæstu Tíbba ársins 2022 voru heiðraðir með skjali frá Tíbet Spanieldeildinni og fallegri rós frá 18 rauðum rósum, auk þess sem efstu sætin fengu blómvönd og fóðurpoka frá Dýrheimum. Deildin þakkar styrktaraðilum kærlega fyrir þessu flottu verðlaun!

Að aflokinni heiðrun var svo afar áhugaverður fyrirlestur um sögu og útlit Tíbet Spanieltegundarinnar í boði Tíbba dómarans og ræktandans Tony Moran frá Bretlandi. Deildin þakkar Tony kærlega fyrir áhugaverðan fyrirlestur! Gjald fyrir þátttöku á fyrirlestri var 1.000 krónur og rann sá peningur óskiptur til deildarinnar. 

Sérstakur ljósmyndari deildarinnar, Pétur Skarp, tók myndir af viðburðinum og þökkum við kærlega fyrir þessa fallegu myndir, ég deili nokkrum hér en þær eru allar inn á Facbeook síðunni okkar. 

​Miðvikudagskvöldið 24. maí fer fram heiðrun stigahæstu Tíbba deildarinnar fyrir árið 2022.
Stigagjöfin sem notast er við miðar við árangur hundanna í keppni innan tegundar.
Jafnframt heiðrum við sérstaklega þann hund sem er stigahæstur í keppni við aðrar tegundir (stigahæstur á lista HRFÍ) ár hvert.

Stigahæsti Tíbet Spaniel ársins 2022 er:

CIB NORDICCh ISCh ISVETCh RW-16 NLM ISW-22 ISVW-22 Tíbráar Tinda Blue Poppy "Nói"

Eigandi: Helga Kolbeinsdóttir
Ræktendur: Auður Valgeirsdóttir, Sigurgeir Þráinn Jónsson og Auður Sif Sigurgeirsdóttir.

Stigahæsti Tíbet Spaniel á lista HRFÍ fyrir árið 2022 er:
​
CIB DKCh ISCh RW-22 Demetríu Bruce

Eigandi og ræktandi: Guðrún Helga Harðardóttir

Stjórn Tíbet Spanieldeildar óskar eigendum og ræktendum þessara fallegu Tíbba innilega til hamingju með árangurinn.

Á næstu dögum kynnum við til leiks alla Tíbbana sem komust á lista í ár yfir stigahæstu Tíbba ársins 2022.  ​

Ársfundur deildarinnar fór fram í Kaffihúsi Dýrheima í Víkurhvarfi 5 í Kópavogi miðvikudagskvöldið 29 mars. 
Fundurinn hófst með hefðbundinni dagskrá aðalfundar, Auður Valgeirsdóttir formaður deildarinnar las ársskýrslu síðasta starfsárs sem er aðgengileg hér á síðunni fyrir áhugasama. 
Eitt got var á starfsárinu, einn tíbbi var innfluttur og við eignuðumst bæði nýja íslenska og Norðurlanda meistara á sýningum ársins. Formaður hvatti að lokum alla tíbbaeigendur að augnskoða hundana sína og fá ræktunardóm á sýningu svo hægt sé að fylgjast með gæðum og heilbrigði stofnsins. 
Þrjú sæti voru laus í stjórn deildarinnar og var auglýst eftir framboðum á fundinum. Þrjú framboð bárust á og voru því sjálfkjörnar  þær Helga Kolbeinsdóttir, Auður Valgeirsdóttir og Auður Sif Sigurgeirsdóttir. Auður Sif er ný inn í stjórn og bjóðum við hana hjartanlega velkomna. Guðrún Helga Harðardóttir lauk stjórnarsetu sinni til margra ára og þökkum við henni kærlega fyrir hennar störf. 
Á fundinum var stofnuð Viðburða- og skemmtinefnd tíbbadeildar. Hana skipa Íris Ósk Jóhannesdóttir, Pétur Skarphéðinsson, Jóhanna Vigdís Guðmundsdóttir. Tengiliðir við stjórn eru Helga og Auður Sif. Nefndin er öllum opin og hvetjum við áhugasama sem vilja vera með að hafa samband á netfangið okkar [email protected]. Stefnt er á að efna til ýmissa viðburða og hittinga með tíbbana okkar. 

Stjórn Tíbetspanieldeildar skipa nú:
Auður Valgeirsdóttir
Kristjana Ólafsdóttir
Ingibjörg Blomsterberg
Helga Kolbeinsdóttir
Auður Sif Sigurgeirsdóttir

Stjórn mun funda fljótlega eftir páska og skipta með sér verkum. 

Þökkum Dýrheimum kærlega fyrir frábæra aðstöðu á kaffihúsinu þeirra og ljúffenga Möndluköku!