Heiðrun stigahæstu Tíbet Spaniel hunda ársins 2022

Miðvikudagskvöldið 24. maí fór fram heiðrun stigahæstu Tíbet Spaniel hunda ársins 2022 í Kaffihúsi Dýrheima. Allir sem komust inn á lista yfir stigahæstu Tíbba ársins 2022 voru heiðraðir með skjali frá Tíbet Spanieldeildinni og fallegri rós frá 18 rauðum rósum, auk þess sem efstu sætin fengu blómvönd og fóðurpoka frá Dýrheimum. Deildin þakkar styrktaraðilum kærlega fyrir þessu flottu verðlaun!

Að aflokinni heiðrun var svo afar áhugaverður fyrirlestur um sögu og útlit Tíbet Spanieltegundarinnar í boði Tíbba dómarans og ræktandans Tony Moran frá Bretlandi. Deildin þakkar Tony kærlega fyrir áhugaverðan fyrirlestur! Gjald fyrir þátttöku á fyrirlestri var 1.000 krónur og rann sá peningur óskiptur til deildarinnar. 

Sérstakur ljósmyndari deildarinnar, Pétur Skarp, tók myndir af viðburðinum og þökkum við kærlega fyrir þessa fallegu myndir, ég deili nokkrum hér en þær eru allar inn á Facbeook síðunni okkar. 

Stigahæsti Tíbet Spaniel ársins 2022 er CIB NORDICCh ISCh ISVETCh RW-16 NLM ISW-22 ISVW-22 Tíbráar Tinda Blue Poppy "Nói". Hann er jafnframt stigahæsti öldungur ársins. Ljósmynd Pétur Skarp

Stigahæsti Tíbet Spaniel á lista HRFÍ árið 2022 og jafnframt annar stigahæsti rakki er CIB DKCh ISCh RW-22 Demetríu Bruce. Ljósmynd Pétur Skarp

Stigahæsti Tíbet Spaniel ársins 2022 af gagnstæðu kyni er NORDICCh ISCh ISJCh RW-21 ISW-22 Tíbráar Tinda Sakya. Ljósmynd Pétur Skarp

Stigahæsta Tíbet Spaniel ræktun ársins 2022 er Tíbráar Tinda ræktun: Auður Sif Sigurgeirsdóttir, Auður Valgeirsdóttir og Sigurgeir Þráinn Jónsson. Ljósmynd Pétur Skarp

Stigahæsti Tíbet Spaniel ungliði ársins 2022 er Tíbráar Tinda Tangra Yumco. Ljósmynd Pétur Skarp

Stigahæstu Tíbet Spaniel hundar ársins 2022