Kæru tíbbaeigendur!
Nú fer að styttast í næstu sýningu Hundaræktarfélagsins og í þetta sinn er komið að deildinni okkar að aðstoða við sýninguna. Annars vegar þarf aðstoð við uppsetningu á fimmtudeginum 31. maí og við að ganga frá á sunnudegi 3. júní. Hins vegar  er það miðasala í aðalinngang og varsla/ruslatýnsla á laugardegi og sunnudegi. Hver vakt er einungis klukkutími og við hvetjum þá sem mögulega geta að bjóða fram krafta sína í þágu deildarinnar okkar, það er nóg af störfum í boði!
Endilega hafið samband, hægt er að senda póst á [email protected] eða hringið í Auði í síma 557-5622 eftir kl 13 á daginn!
Með kærri kveðju,
Stjórnin

Við minnum á augnskoðun fyrir hundana okkar!
Tekið af vef Hundaræktarfélagsins:
Jens Kai Knudsen frá Danmörku mun augnskoða hunda á Korputorgi (á sýningasvæðinu) 2. og 3. júní nk.  Tímapantanir í augnskoðun fara fram á skrifstofu HRFÍ. Gefa skal upp ættbókarnúmer hunds og ganga frá greiðslu um leið og hundur er skráður.
Síðasti skráningardagur í augnskoðun er föstudaginn 25. maí 2012.
Augnskoðun hunda kostar 5.720 fyrir virka félagsmenn.  Hundaeigendur, sem ekki eru félagsmenn í HRFÍ, en með hunda í ættbók HRFÍ, geta skráð sig í augnskoðun gegn hærra gjaldi þ.e. kr. 11.440. Hundar virkra félagsmanna ganga fyrir í augnskoðun.
Það er skylda hjá fjölmörgum hundategundum að niðurstaða augnskoðunar liggi fyrir hjá undaneldisdýrum fyrir pörun. Vinsamlegast kynnið ykkur sérreglur ræktundardeilda fyrir „ykkar" hundategund.
Dýralæknirinn augnskoðar hunda með tilliti til arfgengra sjúkdóma sem finnast í fjölmörgum hundategundum.
Úr lögum HRFÍ
•Áður en hundur er augnskoðaður, mjaðma- og/eða olnbogamyndaður, skal hann örmerktur (húðflúr).
•Auk þess skulu hundar sem taka þátt í viðburðum á vegum félagsins t.d. sýningum, veiði- hlýðni og sporaprófum svo og skapgerðarmati, einnig vera örmerktir (húðflúr).
•Þetta ákvæði gildir fyrir alla hunda, óháð fæðingardegi.
 
Stjórnin

Vekjum athygli á því að Ársskýrsla stjórnar Tíbet Spanieldeildar fyrir starfsárið 2011-2012 er komin á síðuna.
Hvetjum félagsmenn að kynna sér innihald hennar.

Stjórnin