Reykjavík Winner sýning, sýningarþjálfanir og augnskoðun

Kæru tíbbaeigendur, við viljum minna ykkur á að skráningarfrestur fyrir Sumarsýningu HRFÍ, sem haldin verður helgina 25.-26. maí  í Reykjavík, rennur út föstudaginn 26. apríl kl. 15. Eftir þann tíma verður þó boðið uppa að skrá á sýninguna til föstudagsins 3. maí gegn 750 króna aukagjaldi á hund. Nánar um sýninguna á vef HRFÍ. 
Sýningarþjálfanir hefjast næsta sunnudag, en á myndinni til hliðar má sjá nánari upplýsingar um tíma og staðsetningu. 
Jafnframt viljum við benda tíbbaeigendum á að augnskoðun fer fram samhliða sýningunni.
Susanne Kaarlsholm frá Danmörku mun augnskoða hunda á sýningu félagsins 25. - 26. maí nk.  Tímapantanir í augnskoðun fara fram á skrifstofu HRFÍ. Gefa skal upp ættbókarnúmer hunds og ganga frá greiðslu um leið og hundur er skráður.
Síðasti skráningardagur í augnskoðun er miðvikudaginn 15. maí!
Gerð er krafa um að niðurstaða augnskoðunar liggi fyrir hjá undaeldisdýrum fyrir pörun, en stjórnin hvetur bæði ræktendur sem og aðra tíbbaeigendur til að augnskoða tíbbana sína svo við getum getum haft eftirlit með stöðu stofnsins okkar. 
Nánari upplýsingar má finna á heimasíðu HRFÍ. 





Með kveðju,
stjórnin