Sumarsýning HRFÍ var haldin um helgina og voru 12 Tíbet spaniel skráðir (2 mættu ekki) þar af 2 hvolpar í flokki 6-9 mánaða og fengu þeir báðir heiðursverðlaun. Tíbbinn var sýndur á sunnudeginum og allir sem sýndu fengu fína dóma. Í hvolpaflokki var Frostrósar Hrafna valin BOB hvolpur og bróðir hennar Frostrósar Greifi "Lúkas" BOS hvolpur.  8 fullorðnir voru sýndir og var Tíbráar Tinda Pink Lotus valin besta tík, fékk sitt fyrsta meistarastig og var valin BOB aðeins 9 mánaða gömul! Eldri bróðir hennar ISCH Tíbráar Tinda Monastery´s Guardian "Buddha" var valinn besti rakki og BOS, bróðir hans ISCH Tíbráar Tinda Prayer Wheel Spinner "Rúbín" var  besti rakki 2, og litli bróðir þeirra bræðra, Tíbráar Tinda Red Snap Dragon, var valinn besti rakki 3 og fékk meistarastig. Ekki fengu fleiri CK til að geta keppt um sæti í besta rakka og bestu tík. Tíbráar Tinda ræktunarhópur varð BOB og fékk heiðursverðlaun og var svo valinn BIS 4 ræktunarhópur dagsins. Tíbráar Tinda Pink Lotus gerði sér svo lítið fyrir og lenti í 3. sæti í tegundarhópi 9, sem er fjöllmennasti hópurinn á sýningunni :o)
Stjórn deildarinnar óskar eigendum og ræktendum hjartanlega til hamingju með flottan árangur :o)

Myndir koma von bráðar :)

Nú er vonandi sem flestir búnir að skrá á næstu sýningu (frestur rennur út næsta föstudag) og viljum við benda fólki á að sýningarþjálfun unglingadeildar HRFÍ hefst sunnudaginn 6. maí næstkomandi kl. 13:00 í húsnæði Gæludýr.is á korputorgi.
Að venju kostar hvert skipti 500 kr.

Nauðsynlegt er að allir mæti með sýningartaum, eitthvað nammi eða dót handa hundinum og síðast en ekki síst kúkapoka ef slys verða inni :)

Hvetjum félagsmenn eindregið að mæta með tíbbana sína!


Stjórnin

Hvetjum Tíbet Spaniel eigendur á að skrá á næstu sýningu HRFÍ, 2-3 júní næstkomandi!

Síðasti skráningardagur er föstudagurinn 4. maí!
Einnig verður boðið uppá augnskoðun á sama stað, við hvetjum tíbbaeigundur eindregið að láta skoða tíbbana sína!

Upplýsingar um skráningu má nálgast hér

Vonumst til að sjá sem flesta Tíbet Spaniel voffa og eigendur á sýningunni!

Stjórnin